Ondarea Kintoan Barnako lurraldean

Industria eta meatzaritza ondare esanguratsua izanik, ondare natural aberatsa eta ondare immaterial oso errotua uztartuz, Kintoan Barna lurraldea berezia eta bakarra da.

​​Kintondare proiektuak estrategia bateratu bat landuko du, eta ondare komuna ikertu, berreskuratu, interpretatu eta zabalduko du, jasangarritasunetik abiatuta eta bertako biztanleen parte-hartzearekin. Kintondare Mahaia Kintoan Barna lurraldeko ondarea ardatz duen lantaldea da.

Zer ikertuko den zehazten badugu:

• bazkide guztiek parte hartuko dute beren artxiboetako lanetan;
• Bankak, Eugik eta Zubirik prospekzio eta indusketa arkeologikoak egingo dituzte;
• Esteribarrek mugaz gaindiko baliabide geologikoak aztertuko ditu;
• eta Baigorrik Ondare Batzorde bat sortuko du bere udalerriaren azterketa exhasutibo eta kolaboratiborako, gainontzeko lurraldean erreplikatu daitekeen lana.

​​Kintoan Barna babesteari dagokionez:

• Eugik eta Bankak euren industria eta meatzaritza guneak zaintzeko lanekin jarraituko dute;
• CSVBk artzaintzari eusteko lanean jarraituko du;
• Urepel erreferentea izango da ondare immateriala berreskuratzen;
• eta natura ondarea babesteko jarduerak aurreikusten dira, mugaz gaindiko inplikazioarekin.

Ondarea interpretatzeari eta zabaltzeari dagokionez:

bazkide guztiek parte hartuko dute jarduera honetan, eta, besteak beste, unitate didaktikoak, komunikazio-tresnak, egokitasun pedagogikoa Banka, Baigorri, Urepel eta Eugiko zentroetan, bisita gidatuak eta ibilbideak egingo dira, eta geologia-gela bat sortuko da Esteribarren.

Ondare-baliabideak eta haien hedapena Kintoan Barna lurraldeko etorkizuneko turismo jasangarriaren eskaintzan txertatuko dira.