I. San Silvestre Esteribar–Olloki abenduaren 27an estreinatuko da

2025eko abenduaren 27an, 12:00etan, Esteribarko Olloki herrian San Silvestre lasterketaren lehen edizioa egingo da. Jai eta kirol proba bat da, urteari agur esateko helburua duena, herri kirola eta maila guztietako familia eta korrikalarien parte hartzea bultzatuz.

Esteribarko Udalak antolatu du lasterketa, Zubilan eta Destino Esteribar enpresekin elkarlanean. 5 kilometroko ibilbidea izango du, Ollokiko erdigunean hasi eta amaituko dena, eta irisgarria, dinamikoa eta erakargarria izateko diseinatutako ibilbidea, asfaltoa eta pista uztartzen dituena.

Udaletik azpimarratu dute estreinaldi honek ibarrerako duen garrantzia.
Guillermo Larrayoz alkateak azpimarratzen du “ilusionagarria dela lasterketa antolatu ahal izatea eta lehen edizio hau jaiotzen ikustea. Proba honi esker, ibarreko bizilagun asko bilduko dira egun berean kirolaren eta ingurune naturalaren inguruan. Lasterketan parte hartzera eta gozatzera gonbidatzen ditugu guztiak”.

Lasterketan Kintondare proiektuak ere laguntzen du. KINTONDARE proiektuaren % 65 Europar Batasunak finantzatu du, INTERREG VI-A Espainia-Frantzia-Andorra
programaren esparruan (POCTEFA 2021-2027). POCTEFAren helburua Espainia-Frantzia-Andorra mugaren inguruaren integrazio ekonomikoa eta soziala sendotzea da. Helburu nagusia da KINTOAN BARNA izenez ezagutzen den mugaz gaindiko lurraldea eta lankidetza sendotzea, garapen iraunkorreko estrategien bidez.

Lehen edizio honetan parte hartzeko izen-emateak zabalik daude https://inscripcion.kirolprobak.com/inscripcion/i-san-silvestre-esteribar-olloki/ abenduaren 25era arte, osteguna.
Dortsalak lasterketa egunean bertan jaso ahal izango dira Ollokiko Gizarte zentroan proba baino ordu erdi lehenagora arte.